ХЭРГИЙН ТАНИЛЦУУЛГА: Гэр бүлийн хүчирхийллийн улмаас хүний эрүүл мэндэд хөнгөн хохирол учруулсан гэмт хэрэгт холбогдсон шүүгдэгчийн хэргийг хянан хэлэлцэв. АНХАН ШАТ: Хүний эрүүл мэндэд хөнгөн хохирол учруулах гэмт хэргийг гэр бүлийн хүчирхийллээр үйлдсэнийг тогтоон, Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар 500,000 төгрөгөөр торгох ял оногдуулсан. ДАВЖ ЗААЛДАХ ШАТ: Прокурор нь анхан шатны шүүх Эрүүгийн хуулийг буруу тайлбарлаж хэрэглэсэн үндэслэлээр эсэргүүцэл бичсэн. Давж заалдах шатны шүүх хэргийн бодит байдлыг тогтоож, гэр бүлийн хүчирхийллийн шинж тогтоогдоогүй, тохиолдлын шинжтэй маргааны улмаас гэмт хэрэг үйлдэгдсэн гэж үзэн, хэргийн зүйлчлэлийг Эрүүгийн хуулийн тусгай ангийн 11.6 дугаар зүйлийн 1 дэх хэсэг болгон хөнгөрүүлж, 450,000 төгрөгөөр торгох ял оногдуулсан.
ҮНДЭСЛЭЛ: Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан хүний эрүүл мэндэд хөнгөн хохирол учруулах гэмт хэргийг гэр бүлийн хамаарал бүхий харилцаатай хүний эсрэг үйлдсэнийг “Гэр бүлийн хүчирхийлэл” гэх хүндрүүлэх шинжээр зүйлчлэх гол үндэслэл болгохгүй. Гэр бүлийн хүчирхийлэл үйлдсэнд тооцоход гэр бүлийн хамаарал бүхий хүний бие махбодид халдсан үйлдэл нь харгис хэрцгий, догшин авирласан, тарчлаасан шинжтэй байх ба үүний үр дүнд гэрлэгчид, гэр бүлийн гишүүдийн тэгш эрхийн зарчим зөрчигдөж, нэгнийхээ эрхшээлд автаж, дарамтад орсон байх ёстой.
Өөр асуулт байна уу?
Монгол Улсын хууль, тогтоомж, шүүхийн шийдвэрийн санд суурилсан хиймэл оюунаас хүссэн асуултаа асуу
Асуух