ХЭРГИЙН ТАНИЛЦУУЛГА: Гэр бүлийн хүчирхийлэл үйлдсэн байж болзошгүй хэрэг. Шүүгдэгч согтууруулах ундааны зүйл хэрэглэсэн үедээ эх болох хохирогчийн эрүүл мэндэд хөнгөн болон хүндэвтэр хохирол санаатай учруулсан нь тогтоогдсон. АНХАН ШАТ: Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан хөнгөн хохирол учруулсан гэмт хэрэг болон 11.4 дүгээр зүйлийн 2 дахь хэсгийн 2.1-т заасан хүндэвтэр хохирол учруулсан гэмт хэрэг үйлдсэн гэм буруутайд тооцож, 1 жилийн хугацаагаар тэнсэж, хяналт тавьж, 240 цагийн нийтэд тустай ажил хийлгэх ял оногдуулж, согтууруулах ундаа хэрэглэхийг хориглох хязгаарлалт тогтоосон.
ҮНДЭСЛЭЛ: Гэмт хэргийн улмаас учирсан хохирол, хор уршиг, шүүгдэгчийн гэм буруугаа хүлээн зөвшөөрч байгаа байдал, хохирогчийн ар гэрийн нөхцөл байдал, хуулийн дагуу ногдуулсан ял, албадлагын арга хэмжээг харгалзан үзсэн.