ХЭРГИЙН ТАНИЛЦУУЛГА: Шүүгдэгч О.Б, Д.О нар нь бүлэглэн хонь, үхэр, адуу хулгайлсан, мөн О.Б нь иргэний эрүүл мэндэд хөнгөн хохирол учруулсан хэргээр шалгагджээ. АНХАН ШАТ: Шүүгдэгч О.Б, Д.О нар нь бусдын малыг хулгайлж, Эрүүгийн хуулийн тусгай ангийн 17.12 дугаар зүйлийн 1-т заасан гэмт хэрэг үйлдсэн, О.Б нь иргэний эрүүл мэндэд хөнгөн хохирол санаатай учруулж, Эрүүгийн хуулийн тусгай ангийн 11.6 дугаар зүйлийн 1-т заасан гэмт хэрэг үйлдсэн гэм буруутайд тус тус тооцож, нийтэд тустай ажил хийлгэх ял оногдуулсан.
ҮНДЭСЛЭЛ: Шүүгдэгч нар нь үйлдсэн гэмт хэргээ хүлээн зөвшөөрч, хохирлыг барагдуулсан, учруулсан хохирлын хэмжээ, үйлдлийн шинж чанар, хуулийн зүйлчлэл зэргийг үндэслэн ял шийтгэсэн. Урьд ял шийтгэлтэй байдал, бүлэглэн үйлдсэн нь хүндрүүл��х нөхцөл байдал болсон. Шүүгдэгч нар нь нийтэд тустай ажил хийлгэх ялыг биечлэн эдлэх бөгөөд хуульд заасан журмын дагуу ялын хэмжээг тогтоож, цагдан хоригдсон хугацааг хасаж тооцсон.