ХЭРГИЙН ТАНИЛЦУУЛГА: Шүүгдэгч нь бусдыг БНСУ-д ажилд оруулна хэмээн хуурч, нийт 9,068,000 төгрөгийг залилсан хэргээр шалгагдсан. АНХАН ШАТ: Шүүгдэгчийг Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан гэмт хэрэг үйлдсэнд буруутайд тооцож, 6 сарын хугацаагаар тэнсэж, хор уршгийг арилгах үүрэг хүлээлгэв.
ҮНДЭСЛЭЛ: Шүүгдэгч нь Солонгос руу виз гаргах эрхгүй байсан хэдий ч иргэдийг хуурч, мөнгө авсан нь нотлогдсон. Гэм буруугаа хүлээн зөвшөөрч, хохирол барагдуулах арга хэмжээ авсан, хөнгөн гэмт хэрэгт тооцогдсон зэрэг нөхцлүүдийг харгалзан ял оногдуулахгүйгээр тэнсэх шийдвэр гаргасан.