ХЭРГИЙН ТАНИЛЦУУЛГА: Гэр бүлийн хамаарал бүхий харилцаатай этгээдтэй маргалдаж, хамар руу нь цохиж, эрүүл мэндэд нь хөнгөн хохирол санаатай учруулсан гэмт хэрэгт холбогджээ. АНХАН ШАТ: Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар гэр бүлийн хүчирхийлэл үйлдсэн гэм буруутайд тооцож, 500,000 төгрөгөөр торгох ял оногдуулж, 5 сарын хугацаанд сар бүр 100,000 төгрөгөөр хэсэгчлэн төлүүлэхээр шийдвэрлэжээ.
ҮНДЭСЛЭЛ: Гэр бүлийн хүчирхийлэлтэй тэмцэх тухай хуулийн үйлчлэлд хамаарах хамтран амьдрагчийн хоорондын халдлага нь Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэгт тооцогдоно. Гэмт үйлдлийг нотлох баримтууд хангалттай тогтоогдсон бөгөөд шүүгдэгч гэм буруугаа хүлээн зөвшөөрснийг харгалзан хүндрүүлэх нөхцөл байдалгүйгээр торгох ял оногдуулсан.