ХЭРГИЙН ТАНИЛЦУУЛГА: Шүүгдэгч нь согтууруулах ундааны зүйл хэрэглэсэн үедээ хувийн таарамжгүй харьцааны улмаас хохирогчийн баруун гуя хэсэгт хайчаар хатгаж хөнгөн хохирол учруулсан гэмт хэрэгт холбогдсон. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийг үйлдсэн гэм буруутайд тооцож, 400 цаг нийтэд тустай ажил хийлгэх ял оногдуулсан.
ҮНДЭСЛЭЛ: Хохирогчийн мэдүүлэг, гэрчүүдийн мэдүүлэг, шинжээчийн дүгнэлт, эд мөрийн баримтуудаар гэм буруу нь тогтоогдсон. Шүүгдэгч гэм буруугаа хүлээн зөвшөөрсөн тул хялбаршуулсан журмаар хэргийг шийдвэрлэж, прокурорын саналын дагуу ял оногдуулсан.