ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ хүний эрүүл мэндэд хөнгөн хохирол санаатай учруулсан гэх хэрэгт холбогдсон. Гэмт хэрэг үйлдсэн гэм буруугаа хүлээн зөвшөөрч, хэргээ хялбаршуулсан журмаар шийдвэрлүүлэх хүсэлт гаргасан.
АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар гэм буруутайд тооцож, эрүүгийн хариуцлага хүлээлгэх нь зүйтэй гэж үзсэн.
ҮНДЭСЛЭЛ: Шүүгдэгчийн хэргээ хүлээн мэдүүлсэн мэдүүлэг нь хохирогч, гэрч нарын мэдүүлэг болон шүүх эмнэлгийн дүгнэлт зэрэг бусад нотлох баримтуудаар тогтоогдсон. Эрүүл мэндэд учирсан гэмтэл нь Эрүүгийн хуулийн 11.6 дугаар зүйлийн 1 дэх хэсэгт заасан хөнгөн хохирол тооцогдохоор байна. Шүүгдэгч гэм буруугаа сайн дураараа хүлээн зөвшөөрсөн, учруулсан хохирлыг нөхөн төлсөн.