ХЭРГИЙН ТАНИЛЦУУЛГА: Өсвөр насны этгээд нь хууль бусаар, нууцаар, хүч хэрэглэхгүйгээр тусгайлан хамгаалсан байранд нэвтэрч хулгайлах гэмт хэрэг үйлдсэн байдал тогтоогджээ. АНХАН ШАТ: Өсвөр насны этгээдийг Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1-д заасан гэмт хэрэгт тооцож, 2 жилийн хорих ял оногдуулсан. Гэвч Эрүүгийн хуулийн ерөнхий ангийн 8.5 дугаар зүйлийн 1-д заасны дагуу ялыг хоёр дахин багасгаж 1 жилийн хугацаагаар тогтоож, 8.6 дугаар зүйлийн 1-д заасны дагуу ял биелүүлэхийг 1 жилийн хугацаагаар хойшлуулж, 7.3 дугаар зүйлийн 2.2-т заасны дагуу зан үйлээ засах, хөдөлмөрлөх дадал олгох сургалтанд хамрагдах үүрэг хүлээлгэсэн. Ял хойшлуулсан хугацаанд үүргээ биелүүлээгүй, санаатай гэмт хэрэг үйлдвэл ялыг биечлэн эдлүүлэхээр тайлбарласан.
ҮНДЭСЛЭЛ: Хуулийн холбогдох зүйл заалтуудыг удирдлага болгон шүүхийн шийтгэх тогтоол гаргасан. Хохиролд төлбөр хийгдсэн, эд мөрийн баримт, битүүмжлэгдсэн хөрөнгө, цагдан хоригдсон хоног байхгүй. Давж заалдах эрхтэйг дурдсан.