ХЭРГИЙН ТАНИЛЦУУЛГА: Шүүгдэгч нь маргааны улмаас хохирогчийн нүүр, толгой хэсэгт гараар цохиж, улмаар хутгаар зүүн өгзөг хэсэгт хатгаж, эрүүл мэндэд нь хөнгөн хохирол санаатай учруулсан хэрэгт холбогджээ.
АНХАН ШАТ: Шүүгдэгчийг хүний эрүүл мэндэд хөнгөн хохирол санаатай учруулсан гэмт хэрэгт гэм буруутайд тооцож, 500 цагийн нийтэд тустай ажил хийлгэх ялаар шийтгэв.
ҮНДЭСЛЭЛ: Хэргийн бодит байдал нь хохирогчийн мэдүүлэг, шинжээчийн дүгнэлт, шүүгдэгчийн өөрийн мэдүүлэг зэргээр нотлогдсон. Гэмтэл нь Эрүүл мэндийн сайд, Хууль зүйн сайдын хамтарсан тушаалаар баталсан "Гэмтлийн зэрэг тогтоох журам"-ын дагуу хөнгөн зэргийн гэмтэлд хамаарна. Шүүгдэгч нь гэм буруутай үйлдлээ ухамсарлаж, Эрүүгийн хуулийн тусгай ангийн 11.6 дугаар зүйлийн 1 дэх хэсгийг бүрэн хангасан байна. Хохирол нэхэмжлээгүй тул төлбөргүй гэж үзэв. Ял оногдуулахдаа гэмт хэргийн нөхцөл байдал, шүүгдэгчийн хувийн байдал, учирсан хохирлыг харгалзсан.