ХЭРГИЙН ТАНИЛЦУУЛГА: Шүүгдэгч нь бусдын эзэмшлийн мотоциклийг хүч хэрэглэхгүйгээр, нууцаар, хууль бусаар хулгайлахыг завдсан хэрэгт холбогджээ. Үйлдэгдсэн гэмт хэргийн улмаас учирсан хохирлын хэмжээ бага бус байна.
АНХАН ШАТ: Шүүгдэгчийг бусдын эд хөрөнгийг хүч хэрэглэхгүйгээр, нууцаар, хууль бусаар хулгайлах гэмт хэргийг үйлдсэнийг тогтоож, Эрүүгийн хуулийн ерөнхий ангийн 5.4 дүгээр зүйлийн 2 дахь хэсгийг баримтлан, тусгай ангийн 17.1 дүгээр зүйлийн 1-д зааснаар 240 цагийн нийтэд тустай ажил хийлгэх ялаар шийтгэсэн.
ҮНДЭСЛЭЛ: Шүүгдэгчийн үйлдсэн гэмт хэргийн улмаас учирсан хохирлыг нөхөн төлсөн зэрэг нь эрүүгийн хариуцлагыг хөнгөрүүлэх нөхцөл болсон тул ялыг хөнгөвтөр оногдуулжээ.