ХЭРГИЙН ТАНИЛЦУУЛГА: Шүүгдэгч нь хууль бусаар, хүч хэрэглэхгүйгээр, нууцаар бусдын эд зүйлсийг хулгайлсан гэмт хэрэгт холбогдсон. АНХАН ШАТ: Шүүгдэгчийг Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэг үйлдсэн гэм буруутайд тооцож, 6 сар хорих ял оногдуулж, ял эдлэх хугацаанд цагдан хоригдсон 75 хоногийг оруулан тооцсон.
ҮНДЭСЛЭЛ: Хэрэгт цуглуулсан бичгийн болон эд мөрийн баримтууд, хохирогч, гэрч нарын мэдүүлгүүдээр шүүгдэгчийн үйлдсэн гэмт хэрэг нотлогдсон. Шүүгдэгч нь учруулсан хохирлыг барагдуулсан нь ял хөнгөрүүлэх нөхцөл байдалд тооцогдож, хорих ял оногдуулсан.