ХЭРГИЙН ТАНИЛЦУУЛГА: Шүүгдэгч нь согтуурсан үедээ, жолоодох эрхгүйгээр тээврийн хэрэгсэл жолоодож, замын хөдөлгөөний дүрмийг зөрчсөнөөс зам тээврийн осол гаргаж, хүүхэд бэртсэн. АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.1, 2.2, 2.3-д зааснаар буруутгаж, тээврийн хэрэгсэл жолоодох эрхийг 1 жил 6 сараар хасаж, 1 жилийн хугацаагаар тэнсэж, хяналт тавих үүрэг хүлээлгэсэн.
ҮНДЭСЛЭЛ: Хүүхэд бэртэхэд хүргэсэн зам тээврийн ослын хэрэгт шүүгдэгч буруутай болох нь нотлох баримтаар тогтоогдсон. Шүүгдэгчийн үйлдсэн гэмт хэрэг нь Эрүүгийн хуулийн тусгай ангийн 27.10 дугаар зүйлийн 2 дахь хэсэгт заасан гэмт хэргийн шинжийг хангасан. Гэм буруугаа хүлээн зөвшөөрч, хохирол барагдуулах арга хэмжээ авсан, урьд ял шийтгэгдэж байгаагүй зэргийг харгалзан үзэж, эрүүгийн хариуцлагыг хөнгөрүүлсэн.