ХЭРГИЙН ТАНИЛЦУУЛГА: Шүүгдэгч бусдын эд хөрөнгийг гэмтээсэн хэргээр яллагдаж, хэргийг хялбаршуулсан журмаар шийдвэрлүүлэхээр ирүүлсэн. Шүүгдэгч автомашины хаалтыг гараараа савчуулан хохирол учруулсан хэмээн буруутгагджээ. АНХАН ШАТ: Шүүгдэгч гэм буруугаа хүлээн зөвшөөрч, хохирлыг нөхөн төлсөн, улсын яллагчийн ялыг зөвшөөрсөн үндэслэлээр хэргийг хялбаршуулсан журмаар шийдвэрлэж, Эрүүгийн хуулийн тусгай ангийн 17.8 дугаар зүйлийн 1 дэх хэсэгт зааснаар 450,000 төгрөгөөр торгох ял оногдуулсан.
ҮНДЭСЛЭЛ: Шүүгдэгчийн гэм буруутай үйлдлээс үүдэлтэй хохирол шууд шалтгаант холбоотой болох нь нотлогдож, Эрүүгийн хуулийн тусгай ангийн 17.8 дугаар зүйлийн 1 дэх хэсэгт заасан гэмт хэргийн шинжийг бүрэн хангасан тул гэм буруутайд тооцох үндэслэлтэй. Гэм буруугаа хүлээн зөвшөөрсөн, хохирлыг нөхөн төлсөн зэрэг хөнгөрүүлэх нөхцөл байдлыг харгалзан торгох ял оногдуулсан.