ХЭРГИЙН ТАНИЛЦУУЛГА: Шүүгдэгч нь автомашинаар хохирогчийг санаатай дайрч амь насыг нь хохироосон хэрэгт холбогджээ.
АНХАН ШАТ: Шүүгдэгч нь хүний амь насыг болгоомжгүйгээр хохироосон болох нь нотлогдож, Эрүүгийн хуулийн тусгай ангийн 10.6 дугаар зүйлийн 1 дэх хэсэгт зааснаар 5 жилийн хугацаагаар хорих ялаар шийтгэгдэв.
ҮНДЭСЛЭЛ: Хэргийн бодит байдлыг тогтоохдоо шүүгдэгчийн үйлдлийг санаатай бус, болгоомжгүй үйлдлийн улмаас амь нас хохирсон гэж дүгнэн, хэргийн зүйлчлэлийг Эрүүгийн хуулийн тусгай ангийн 10.1 дүгээр зүйлийн 1 дэх хэсэг байсныг 10.6 дугаар зүйлийн 1 дэх хэсэг болгон өөрчилсөн. Шүүгдэгч нь хохирлын нөхөн төлбөрийг барагдуулсан нь ялыг хөнгөрүүлэх нөхцөл байдалд тооцогдов.