ХЭРГИЙН ТАНИЛЦУУЛГА: Сэтгэцэд нөлөөлөх бодисыг худалдаалах зорилгогүйгээр хууль бусаар хадгалсан гэмт хэрэгт холбогдох хэргийг хянан хэлэлцэв. АНХАН ШАТ: Шүүгдэгчийг Эрүүгийн хуулийн тусгай ангийн 20.7 дугаар зүйлийн 1 дэх хэсэгт зааснаар гэм буруутайд тооцож, 2 жил 1 сарын хугацаагаар хорих ял оногдуулж, нээлттэй хорих байгууллагад эдлүүлэхээр шийдвэрлэв.
ҮНДЭСЛЭЛ: Шүүгдэгчээс хууль бусаар хадгалсан сэтгэцэд нөлөөлөх бодис нь НҮБ-ын конвенцод заагдсан болох нь нотлох баримтаар тогтоогдсон. Урьд ял шийтгүүлж байсан, гэмт хэргийн нийгэмд учруулах хор уршиг ихтэйг харгалзан хорих ял оногдуулсан.