ХЭРГИЙН ТАНИЛЦУУЛГА: Шүүгдэгч Д.Б нь согтуурч байх үедээ хохирогч Д.Б-ын гэрт очиж, маргалдсаны улмаас хохирогчийг багалзуурдаж, нүүр цохиж, биед нь хөнгөн зэргийн гэмтэл учруулсан хэрэг.
АНХАН ШАТ: Шүүгдэгч Д.Б-ыг хүний эрүүл мэндэд хөнгөн хохирол санаатай учруулсан гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 500,000 төгрөгөөр торгох ял оногдуулж, 3 сарын хугацаанд хэсэгчлэн төлүүлэхээр шийдвэрлэв.
ҮНДЭСЛЭЛ: Гэмт хэргийн улмаас хохирогч нь эмчилгээ хийлгэсэн боловч шүүхээс өмнөх шатанд шүүгдэгчтэй эвлэрч, хохиролд 350,000 төгрөг авсан, гомдолгүй болсон тул иргэний нэхэмжлэл хэлэлцэхгүй орхисон. Шүүгдэгч нь урьд нь 2 удаа ял шийтгэлтэй байсан ч, 2012 оны тэнссэн ялын хугацаанд шинэ гэмт хэрэг үйлдээгүй, гэм буруугаа хүлээн зөвшөөрч, учруулсан хохирлоо нөхөн төлсөн зэрэг байдлыг харгалзан ялыг хөнгөрүүлж, торгох ял оногдуулсан.