ХЭРГИЙН ТАНИЛЦУУЛГА: Шүүгдэгч нь хамт хоносон хохирогчийн гар утсыг хүч хэрэглэхгүйгээр, нууцаар, хууль бусаар авч, улмаар ломбарданд барьцаалсан үйлдлийг Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан бусдын эд хөрөнгийг хууль бусаар авах гэмт хэрэгт тооцсон.
АНХАН ШАТ: Шүүгдэгч Б.Ө-г бусдын эд хөрөнгийг хүч хэрэглэхгүйгээр, нууцаар, хууль бусаар авсан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 17.1 дүгээр зүйлийн 1 дэх хэсэгт зааснаар 240 цаг нийтэд тустай ажил хийлгэх ял оногдуулсан.
ҮНДЭСЛЭЛ: Гэм буруугийн шүүх хуралдаанаар хэргийн болон шүүгдэгчийн мэдүүлэг, хохирогчийн мэдүүлэг, иргэний нэхэмжлэгчийн мэдүүлэг, эд хөрөнгийн үнэлгээ, эд зүйл хураан авч хүлээлгэн өгсөн тэмдэглэл зэрэг нотлох баримтуудыг шинжлэн, шүүгдэгч Б.Ө-ийн үйлдсэн гэмт хэргийг тогтоосон. Анх удаа гэмт хэрэг үйлдсэн, хохирлоо нөхөн төлсөн зэргийг харгалзан хөнгөрүүлэх нөхцөл байдлаар тооцож, нийтэд тустай ажил хийлгэх ял оногдуулсан.