ХЭРГИЙН ТАНИЛЦУУЛГА: Гэр бүлийн хамаарал бүхий харьцаатай хамтран амьдрагчаа зодож, хөнгөн хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар "Хүний эрүүл мэндэд гэр бүлийн хүчирхийлэл үйлдэж хөнгөн хохирол санаатай учруулах" гэмт хэрэгт гэм буруутайд тооцож, 280 цагийн хугацаагаар нийтэд тустай ажил хийлгэх ял оногдуулсан.
ҮНДЭСЛЭЛ: Хохирогчийн мэдүүлэг, шүүх эмнэлгийн дүгнэлт, шүүгдэгчийн гэм буруугаа хүлээн зөвшөөрсөн мэдүүлэг зэрэг нотлох баримтуудаар гэмт хэрэг нотлогдсон. Гэм хорын хохирлыг нэхэмжлэх эрхийг хангасан.