ХЭРГИЙН ТАНИЛЦУУЛГА: Шүүгдэгч П.Б нь согтуурсан үедээ иргэн Ж.Заяабаярын баруун гарын дунд хурууг хазаж, хөнгөн хохирол учруулсан гэмт хэрэгт холбогдсон.
АНХАН ШАТ: Шүүгдэгч П.Б-г Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулах гэмт хэрэг үйлдсэн гэм буруутайд тооцож, 450,000 төгрөгөөр торгох ял оногдуулжээ.
ҮНДЭСЛЭЛ: Хэрэгт цуглуулагдсан хохирогч, гэрчүүдийн мэдүүлэг, шинжээчийн дүгнэлт, камерийн бичлэг зэрэг нотлох баримтуудаар шүүгдэгчийн үйлдсэн гэмт хэрэг нотлогдсон. Шүүгдэгч гэм буруугаа хүлээн зөвшөөрч, хохирлыг барагдуулсан зэргийг харгалзан ял оногдуулсан.