ХЭРГИЙН ТАНИЛЦУУЛГА: Ё.Г нь жолоодож явсан тээврийн хэрэгслээр албан үүргээ гүйцэтгэж байсан цагдаагийн алба хаагчийг мөргөж, зугтаасан хэргээр яллагдав.
АНХАН ШАТ: Ё.Г-г хууль сахиулагчийг албан үүргээ биелүүлэхтэй нь холбогдуулан хүч хэрэглэж эсэргүүцсэн гэмт хэрэгт буруутгаж, Эрүүгийн хуулийн тусгай ангийн 23.1 дүгээр зүйлийн 1-д заасан ялыг оногдуулахгүйгээр 8 сар тэнсэх ял оногдуулж, зан үйлээ засах, хөдөлмөрлөх дадал олгох сургалтад хамрагдах албадлагын арга хэмжээ хэрэглэв.
ҮНДЭСЛЭЛ: Ё.Г-ийн үйлдсэн үйлдэл нь Эрүүгийн хуулийн ерөнхий ангийн 2.1 дүгээр зүйлд заасан гэмт хэргийн шинж болон гэмт хэргийн бүрэлдэхүүний шинжийг бүрэн агуулсан, тусгай ангийн 23.1 дүгээр зүйлийн 1-д заасан гэмт хэрэгт хамаарна гэж үзсэн. Хохирогч гомдолгүй, нэхэмжлэлгүй тул хохирол арилсан гэж үзэв. Гэм буруутай нь тогтоогдсон хэдий ч хөнгөн гэмт хэрэгт холбогдсон, бусдад төлөх төлбөргүй, учирсан хохирол, хор уршгийн шинж чанар, хувийн байдал зэргийг харгалзан тэнсэх ял оногдуулав. Эд хөрөнгө битүүмжилсэн тогтоолыг хүчингүй болгож, тээврийн хэрэгслийг буцаан олгов.