ХЭРГИЙН ТАНИЛЦУУЛГА: Нийтийн албан тушаалтан нь албан үүргээ урвуулан ашиглаж хахууль авсан, иргэн нь давуу байдал бий болгох зорилгоор хахууль өгсөн хэрэг. АНХАН ШАТ: Шүүгдэгч И.Э-г нийтийн албан тушаалтан гүйцэтгэх ёсгүй үйлдлийг хийж хахууль авсан, шүүгдэгч С.Ч-г давуу байдал бий болгох зорилгоор нийтийн албан тушаалтанд хахууль өгсөн гэм буруутайд тус тус тооцсон.
ҮНДЭСЛЭЛ: Шүүгдэгч И.Э нь албаны чиг үүргээ урвуулан ашиглаж, 2,000,000 төгрөгийн хахууль авсан нь тогтоогдож, Эрүүгийн хуулийн 22.4 дүгээр зүйлийн 4 дэх хэсэгт зааснаар шийтгэл оногдуулсан. Шүүгдэгч С.Ч нь сувиллын үйл ажиллагаа, санхүүжилтийг саадгүй шийдвэрлүүлэх, давуу байдал бий болгох зорилгоор 2,000,000 төгрөгийн хахууль өгсөн нь тогтоогдож, Эрүүгийн хуулийн 22.5 дугаар зүйлийн 1 дэх хэсэгт зааснаар шийтгэл оногдуулсан. Хахууль авсан 2,000,000 төгрөгийг улсын төсөвт шилжүүлэхээр шийдвэрлэсэн.