ХЭРГИЙН ТАНИЛЦУУЛГА: Согтууруулах ундаа хэрэглэсэн үедээ бусдын эрүүл мэндэд хөнгөн хохирол учруулсан хэргээр шүүгдэгч Г.Э-д холбогдох эрүүгийн хэргийг хянан хэлэлцсэн. АНХАН ШАТ: Шүүгдэгч Г.Э-г хүний эрүүл мэндэд хөнгөн хохирол санаатай учруулсан гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 800,000 төгрөгөөр торгож, торгох ялыг 5 сарын хугацаанд хэсэгчлэн төлүүлэхээр шийтгэв.
ҮНДЭСЛЭЛ: Гэмт хэргийг тогтооход шүүгдэгчийн хүлээсэн мэдүүлэг, хохирогчийн мэдүүлэг, шинжээчийн дүгнэлт зэрэг нотлох баримтууд хангалттай байсан. Эрүүгийн хуулийн Ерөнхий ангийн 2.3 дугаар зүйлийн 2 дахь хэсэгт заасан санаатай гэмт хэргийн шинжийг бүрэн хангасан тул Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт буруутайд тооцсон. Шүүгдэгч анх удаа гэмт хэрэг үйлдсэнийг хөнгөрүүлэх нөхцөл байдалд тооцсон.