ХЭРГИЙН ТАНИЛЦУУЛГА: Хувийн таарамжгүй харилцааны улмаас хоёр этгээд харилцан зодолдож, биедээ хөнгөн хохирол учруулсан. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэм буруутайд тооцож, 500.000 төгрөгөөр торгох ял оногдуулсан.
ҮНДЭСЛЭЛ: Шинжээчийн дүгнэлт, хохирогч, шүүгдэгч нарын мэдүүлэг, хэргийн газрын үзлэг зэрэг нотлох баримтуудаар хоёр этгээд харилцан зодолдож, биедээ хөнгөн хохирол учруулсан нь тогтоогдсон. Гэмтэл нь Эрүүгийн хуулийн 11.6 дугаар зүйлийн 1 дэх хэсэгт заасан хөнгөн зэргийн хохиролд хамаарна. Гэм буруугийн санаатай хэлбэрийг хангасан. Хохирлыг нэхэмжилсэн баримт байхгүй. Ял сонгохдоо үйлдсэн гэмт хэргийн шинж, хохирлын хэмжээ, хувийн байдлыг харгалзсан.