ХЭРГИЙН ТАНИЛЦУУЛГА: Шүүгдэгч С нь Булган аймгийн нутаг дэвсгэрт иргэн О-ийн эрүүл мэндэд хөнгөн хохирол санаатай учруулсан хэрэгт холбогджээ. АНХАН ШАТ: Шүүгдэгч С-г Монгол Улсын Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, 500.000 төгрөгөөр торгох ялаар шийтгэсэн.
ҮНДЭСЛЭЛ: Хэргийн баримтуудаар шүүгдэгч С нь хохирогч О-тэй хувийн таарамжгүй харилцааны улмаас маргалдаж, улмаар гараар цохиж, хөлөөрөө өшиглөж гэмтэл учруулсан нь тогтоогдсон. Хохирогч О нь шүүгдэгчийг уучилсан, нэхэмжлэх зүйлгүй байсан. Шүүгдэгчийн анх удаа гэмт хэрэг үйлдсэн, тохиолдлын шинжтэй байдал зэргийг харгалзан хөнгөн ял оногдуулсан.