ХЭРГИЙН ТАНИЛЦУУЛГА: Иргэн Э.О-г зодож, эрүүл мэндэд нь хөнгөн хохирол учруулсан хэрэгт шүүгдэгч Б.Ү холбогдсон. АНХАН ШАТ: Шүүгдэгч Б.Ү-г Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, 500,000 төгрөгөөр торгох ялаар шийтгэсэн. ҮНДЭСЛЭЛ: Хэрэгт авагдсан нотлох баримтуудаар шүүгдэгч Б.Ү нь гэр бүлийн маргааны үед хамтран амьдрагч Э.О-г зодож, эрүүл мэндэд нь хөнгөн хохирол учруулсан нь тогтоогдсон. Шүүгдэгч гэм буруугаа хүлээн зөвшөөрч, хохирогч гомдолгүй, нэхэмжлэх зүйлгүй байсан зэргийг харгалзан үзсэн.