ХЭРГИЙН ТАНИЛЦУУЛГА: Тээврийн хэрэгсэл жолоодох эрхгүй этгээд явган зорчигчдыг мөргөж, нэгнийх нь эрүүл мэндэд хүнд хохирол учруулсан хэрэг. АНХАН ШАТ: Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.2, 2.3-т зааснаар гэм буруутайд тооцож, хорих ял оногдуулахгүйгээр 2 жилийн хугацаагаар тэнсэж, 1 жилийн хугацаагаар тээврийн хэрэгсэл жолоодох эрхийг хассан.
ҮНДЭСЛЭЛ: Шүүгдэгч нь жолоодох эрхгүй этгээд байсан, замын хөдөлгөөний дүрмийг зөрчсөн, явган хүний гарцаар гарч байсан иргэдийг мөргөж хүнд хохирол учруулсан нь тогтоогдож, Эрүүгийн хуулийн тусгай ангийн 27.10-д заасан гэмт хэргийн шинжийг бүрэн хангасан. Эрүүгийн хуулийн ерөнхий ангийн 6.7-д заасныг баримтлан тэнсэх ял оногдуулж, нэмэгдэл ялаар жолоодох эрхийг хассан. Хохирогчийн нэхэмжилсэн зарим хэсгийг хэрэгсэхгүй болгож, үлдсэнийг нь иргэний журмаар нэхэмжлэх эрхийг нээлттэй үлдээсэн.