ХЭРГИЙН ТАНИЛЦУУЛГА: Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэгт холбогдсон шүүгдэгч нь согтууруулах ундааны зүйл хэрэглэсэн үедээ эхнэрээ зодож, эрүүл мэндэд нь хөнгөн хохирол учруулсан. АНХАН ШАТ: Шүүгдэгчийг гэр бүлийн хүчирхийлэл үйлдэж, хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, 350 цагийн нийтэд тустай ажил хийлгэх ял оногдуулсан.
ҮНДЭСЛЭЛ: Гэр бүлийн хамаарал бүхий хүний эрүүл мэндэд хөнгөн хохирол санаатай учруулсан үйлдлийг Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан хүндрүүлэх нөхцөл байдалтайгаар үйлдсэнд тооцсон. Хохирогч нь нэхэмжлэлгүй, шүүгдэгч нь хэргээ хүлээж, гэмшиж байсан зэрэг нөхцөл байдлыг харгалзан ялыг оногдуулсан.