ХЭРГИЙН ТАНИЛЦУУЛГА: Архи согтууруулах ундаа хэтрүүлэн хэрэглэсэн үедээ хохирогчтой маргалдаж, эрүүл мэндэд нь хүндэвтэр хохирол учруулсан хэрэг.
АНХАН ШАТ: Хүний эрүүл мэндэд хүндэвтэр хохирол санаатай учруулсан гэмт хэргийг Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар үйлдсэн гэм буруутайд тооцож, 400 цагийн нийтэд тустай ажил хийлгэх ял оногдуулж, учирсан хохиролд 219,640 төгрөгийг гаргуулж төлүүлэхээр шийдвэрлэв.
ҮНДЭСЛЭЛ: Шүүгдэгч, хохирогч, гэрчийн мэдүүлгүүд, шүүх эмнэлгийн дүгнэлт зэрэг цугларсан нотлох баримтуудаар шүүгдэгчийн буруутай үйлдэл нотлогдсон. Хохирогчийн цаашид гарах эмчилгээний зардлыг иргэний журмаар нэхэмжлэх эрхийг нээлттэй үлдээв.