ХЭРГИЙН ТАНИЛЦУУЛГА: Өсвөр насны этгээд нь бусдын эзэмшлийн унадаг дугуйг хууль бусаар авч, хохирол учруулсан хэмээх хэрэг. АНХАН ШАТ: Өсвөр насны этгээдийг бусдын эд хөрөнгийг хүч хэрэглэхгүйгээр, нууцаар, хууль бусаар авч, 464,000 төгрөгийн хохирол учруулсан хэмээх гэм буруутайд тооцож, Эрүүгийн хуулийн тусгай ангийн 17.1 дүгээр зүйлийн 1 дэх хэсэгт зааснаар 360 цагийн нийтэд тустай ажил хийлгэх ял оногдуулж шийтгэв.
ҮНДЭСЛЭЛ: Гэм бурууг тогтоохдоо шүүгдэгчийн мэдүүлэг, хохирогч, гэрч нарын мэдүүлэг, эд хөрөнгийн үнэлгээний тайлан зэрэг нотлох баримтуудыг хуульд заасан журмын дагуу цуглуулж, шинжлэн судалсан. Хохирлыг барагдуулсан байдлыг харгалзан ялыг хөнгөрүүлэн үзсэн.