ХЭРГИЙН ТАНИЛЦУУЛГА: Өсвөр насны шүүгдэгч нь хохирогчийг цохиж, түүний биед хүндэвтэр гэмтэл учруулсан үндэслэлтэй хэрэг. АНХАН ШАТ: Шүүгдэгчийг хүний эрүүл мэндэд хүндэвтэр хохирол санаатай учруулсан гэмт хэрэг үйлдсэнд гэм буруутайд тооцож, Эрүүгийн хуулийн тусгай ангийн 11.4 дүгээр зүйлийн 1 дэх хэсэгт зааснаар ял оногдуулахыг 1 жилийн хугацаагаар тэнсэж, хүмүүжлийн чанартай албадлагын арга хэмжээ авч шийдвэрлэв.
ҮНДЭСЛЭЛ: Гэмт хэргийн улмаас учирсан хохирол, хор уршгийг нөхөн төлсөн, хэргийг хялбаршуулсан журмаар шийдвэрлүүлэх хүсэлт гаргасан зэрэг нөхцлүүдийг харгалзан үзэж, шүүгдэгчийн үйлдлийг Эрүүгийн хуулийн ерөнхий ангийн 2.3 дугаар зүйлийн 2 дахь хэсэгт зааснаар санаатай үйлдсэн гэмт хэрэг хэмээн дүгнэжээ. Хохирогч цаашид гарах эмчилгээний зардлаа иргэний журмаар нэхэмжлэх эрхтэй болохыг тайлбарлав.