ХЭРГИЙН ТАНИЛЦУУЛГА: Шүүгдэгч нь морь ашиглан 2019 оны 11 дүгээр сард бусдын өмчлөлийн үхрийг хулгайлж, 1,000,000 төгрөгийн хохирол учруулсан хэрэгт холбогджээ.
АНХАН ШАТ: Шүүгдэгч нь Эрүүгийн хуулийн тусгай ангийн 17.12 дугаар зүйлийн 1 дэх хэсэгт заасан мал хулгайлах гэмт хэрэг үйлдсэн гэм буруутайд тооцогдож, 8 сар хорих ял оногдуулж, 8 сараар тэнсэв. Мөн гэмт хэрэгт ашигласан морины үнэ болох 1,100,000 төгрөгийг улсын төсөвт шилжүүлэхээр шийдвэрлэв.
ҮНДЭСЛЭЛ: Шүүгдэгч нь гэм буруугаа хүлээн зөвшөрсөн, учруулсан хохирлыг нөхөн төлсөн, хөнгөрүүлэх нөхцөл байдал тогтоогдсон зэргээс үндэслэн хэргийг хялбаршуулсан журмаар хянан шийдвэрлэв. Хохирогчийн хохирлыг бүрэн барагдуулсан тул нэхэмжлэлгүй гэж үзэв.