ХЭРГИЙН ТАНИЛЦУУЛГА: Иргэн Ц.Б нь бусдын эрүүл мэндэд хөнгөн хохирол санаатай учруулсан хэрэгт холбогджээ. АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар гэм буруутайд тооцож, 450,000 төгрөгөөр торгох, торгуулийг 90 хоногт хуваан төлүүлэхээр шийдвэрлэжээ.
ҮНДЭСЛЭЛ: Хэргийн бодит байдлыг тогтоох зарчмын дагуу цуглуулсан нотлох баримтууд /шүүгдэгч, хохирогч, гэрч нарын мэдүүлэг, шүүх эмнэлгийн дүгнэлт/ болон гэмт хэрэг үйлдсэн үйл баримтыг үндэслэн шүүгдэгчийг гэм буруутайд тооцсон. Хохирогчтой эвлэрсэн байдал, гэмт хэрэг үйлдсэн байдал, хүний хувийн байдал зэргийг харгалзан торгуулийн ял оногдуулсан.