ХЭРГИЙН ТАНИЛЦУУЛГА: Хоёр этгээд бүлэглэн, зөвшөөрөлгүйгээр мод бэлтгэж, улмаар байгаль экологид учирсан хохирлыг нөхөн төлөхтэй холбоотой хэрэг. АНХАН ШАТ: Шүүгдэгчдийг бүлэглэн зохих зөвшөөрөлгүй мод бэлтгэж, модон материалыг гарал үүслийн гэрчилгээгүй тээвэрлэсэн гэм буруутайд тооцож, Эрүүгийн хуулийн тусгай ангийн 24.6 дугаар зүйлийн 2 дахь хэсгийн 2.2-т зааснаар 1 жилийн хугацаагаар хорих ял оногдуулахгүйгээр тэнсэн, хяналт тавих, учирсан 15,504,231 төгрөгийн хохирлыг нөхөн төлүүлэн, гэмт хэрэгт ашигласан тээврийн хэрэгслийн үнэлгээний 1,800,000 төгрөгийг хурааж улсын орлого болгох шийдвэр гаргасан.
ҮНДЭСЛЭЛ: Шүүгдэгч нар нь бүлэглэн, зөвшөөрөлгүйгээр мод бэлтгэсэн, тээвэрлэсэн болох нь нотлох баримтуудаар тогтоогдож, улмаар байгаль экологид учирсан хохирлыг тогтоосон экологи-эдийн засгийн үнэлгээг 3 дахин нэмэгдүүлэн тооцож, шийтгэх тогтоол гаргасан. Гэм буруугаа хүлээн зөвшөөрсөн, хохирол учруулаагүй, хөнгөн гэмт хэрэг үйлдсэн зэрэг нөхцлүүдийг харгалзан үзэж, хорих ял оногдуулахгүйгээр тэнссэн.