ХЭРГИЙН ТАНИЛЦУУЛГА: Шүүгдэгч жолоодох эрхгүй, согтууруулах ундааны зүйл хэрэглэсэн үедээ тээврийн хэрэгсэл жолоодож, замын хажуугийн хашаа мөргөж, зорчигчийн эрүүл мэндэд хүнд хохирол учруулсан.
АНХАН ШАТ: Шүүгдэгч нь Эрүүгийн хуулийн тусгай ангийн 27.10 дугаар зүйлийн 2 дахь хэсэгт заасан гэмт хэрэг үйлдсэн гэм буруутайд тооцож, тээврийн хэрэгсэл жолоодох эрхийг 2 жилийн хугацаагаар хасаж, 2 жилийн хугацаагаар тэнсгэж, оршин суух газар, ажил, сургуулиа өөрчлөх, зорчин явахдаа хяналт тавьж байгаа эрх бүхий байгууллагад урьдчилан мэдэгдэх үүрэг хүлээлгэх албадлагын арга хэмжээ хэрэглэсэн.
ҮНДЭСЛЭЛ: Шүүгдэгч нь замын хөдөлгөөний дүрмийг зөрчиж, согтуугаар жолоодон, хүний эрүүл мэндэд хүнд хохирол учруулсан нь нотлох баримтуудаар тогтоогдсон. Хохирогч болон иргэний нэхэмжлэгч нар учирсан хохирлоо нэхэмжлэх эрхтэй.