ХЭРГИЙН ТАНИЛЦУУЛГА: Хоёр этгээд бүлэглэн бусдын эд хөрөнгийг хүч хэрэглэж, хулгайлсан, эд хөрөнгийг хууль бусаар авсан, мөн нэг этгээд бусдын эрүүл мэндэд хөнгөн хохирол учруулсан хэрэгт холбогджээ.
АНХАН ШАТ: Шүүгдэгч Ө.Н-ийг бусдын эд хөрөнгийг хүч хэрэглэж, хууль бусаар авсан, бусдын эд хөрөнгийг хулгайлсан, хүний эрүүл мэндэд хөнгөн хохирол санаатай учруулсан гэмт хэргүүдэд, шүүгдэгч С.П-ийг бусдын эд хөрөнгийг хүч хэрэглэж, хууль бусаар авсан гэмт хэрэгт тус тус гэм буруутайд тооцсон.
ҮНДЭСЛЭЛ: Шүүгдэгч Ө.Н-д нийт 3 жил 9 сар 20 хоногийн хорих ял, С.П-д 1 жилийн хорих ял оногдуулсан. Хохирол нөхөн төлсөн байдлыг харгалзан ял хөнгөрүүлж, гэм буруутай этгээдүүдийг нээлттэй хорих байгууллагад эдлүүлэхээр тогтоосон.