ХЭРГИЙН ТАНИЛЦУУЛГА: Шүүгдэгч нар бүлэглэн хууль бусаар эд хөрөнгө хулгайлж, улмаар улсын дугаар, гэрчилгээ зэрэг баримт бичгийг зориудаар устгасан хэрэг. АНХАН ШАТ: Хууль бусаар эд хөрөнгө хулгайлсан болон баримт бичиг устгасан үйлдлийг тогтоон, Эрүүгийн хуулийн тусгай ангийн 17.1 дүгээр зүйлийн 1 дэх хэсэг болон 23.3 дугаар зүйлийн 1 дэх хэсэгт тус тус зааснаар шийтгэл оногдуулсан.
ҮНДЭСЛЭЛ: Анхан шатны шүүхээс прокурорын гаргасан яллах дүгнэлтийг Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.4 дэх заалтаас 17.1 дүгээр зүйлийн 1 дэх хэсэгт хөнгөрүүлэн өөрчилж, шүүгдэгч Н.Ч-д 720 цаг нийтэд тустай ажил хийлгэх, 700,000 төгрөгийн торгох ял, шүүгдэгч Э.У-д 240 цаг нийтэд тустай ажил хийлгэх, 600,000 төгрөгийн торгох ял оногдуулсан. Хэрэгт машин механизм ашигласан нь тогтоогдоогүй тул зүйлчлэлийг хөнгөрүүлсэн.