ХЭРГИЙН ТАНИЛЦУУЛГА: Шүүгдэгч нь дэлгүүрээс хүч хэрэглэхгүйгээр, нууцаар гар утсыг хулгайлж, бусдад 2.985.000 төгрөгний хохирол учруулсан гэмт хэрэг үйлдсэн гэж яллагдсан. Шүүгдэгч гэм буруугаа хүлээн зөвшөөрч, хохирогчтой эвлэрсэн. АНХАН ШАТ: Шүүгдэгчийн үйлдлийг Эрүүгийн хуулийн 17.1 дүгээр зүйлийн 1 дэх хэсэгт заасан гэмт хэрэгт тооцож, 6 сарын хугацаагаар тэнсэж, оршин суух газар, ажил, сургуулиа өөрчлөх, зорчин явахдаа хяналт тавьж байгаа эрх бүхий байгууллагад урьдчилан мэдэгдэх үүрэг хүлээлгэх шийтгэл оногдуулсан.
ҮНДЭСЛЭЛ: Шүүгдэгчийн гэм бурууг нотлох баримтууд хангалттай тогтоогдсон. Тэнсэх ял оногдуулахдаа хөнгөн гэмт хэрэг үйлдсэн, гэм буруугаа хүлээн зөвшөөрч, хохирлоо нөхөн төлсөн зэрэг хөнгөлөх нөхцөл байдлыг харгалзсан.