ХЭРГИЙН ТАНИЛЦУУЛГА: Иргэн мод бэлтгэх зөвшөөрөлгүйгээр Улсын тусгай хамгаалалтай газарт 62 шинэс мод бэлтгэж, ойн санд 45,208 төгрөгийн хохирол учруулсан хэрэг. АНХАН ШАТ: Эрүүгийн хуулийн тусгай ангийн 24.6 дугаар зүйлийн 2 дахь хэсгийн 2.3-т зааснаар хууль бусаар мод бэлтгэсэн гэм буруутайд тооцож, 2 жилийн хугацаагаар тэнсэж, хорих ял оногдуулаагүй.
ҮНДЭСЛЭЛ: Шүүгдэгч өөрийн үйлдлийг хүлээн зөвшөөрсөн, учруулсан хохирлоо нөхөн төлсөн, гэмшиж буй байдлыг харгалзан үзэж, Эрүүгийн хуулийн ерөнхий ангийн 7.1 дүгээр зүйлийн 1 дэх хэсгийг журамлан тэнссэн ял оногдуулсан. Гэмт хэрэг үйлдсэн тээврийн хэрэгслийг буцаан олгож, цахилгаан хөрөөг улсын орлого болгосон.