ХЭРГИЙН ТАНИЛЦУУЛГА: Ажилчдаа ажилдаа хоцорлоо гэх шалтгаанаар зодож, эрүүл мэндэд хөнгөн хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэм буруутайд тооцож, 800,000 төгрөгөөр торгох ял оногдуулсан.
ҮНДЭСЛЭЛ: Гэмт хэрэг үйлдсэнийг хохирогч, гэрч, шинжээчийн мэдүүлэг, дүгнэлт болон бусад нотлох баримтуудаар тогтоосон. Гэм бурууг хүлээн зөвшөөрсөн, учирсан хохирлыг барагдуулсан, урьд ял шийтгэлгүй зэрэг хөнгөрүүлэх нөхцөл байдлыг харгалзан ял оногдуулсан.