ХЭРГИЙН ТАНИЛЦУУЛГА: Хоёр этгээд бүлэглэн нийтийн эзэмшлийн газар байсан гар утсыг нууцаар хулгайлсан хэрэг.
АНХАН ШАТ: Шүүгдэгч А, Н нарыг Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэг үйлдсэнд тооцож, Эрүүгийн хуулийн ерөнхий ангийн 3.7 дугаар зүйлийн 1 дэх хэсгийг журамлан, тус бүрт нь 400 цагийн нийтэд тустай ажил хийх ял оногдуулж, уг ялыг өдөрт наймаас дээшгүй цагаар хийлгэхээр шийдвэрлэв.
ҮНДЭСЛЭЛ: Шүүгдэгч нар хэргээ хүлээсэн, хохирогчийн эд хөрөнгийг буцаан олгож, хохирлыг барагдуулсан, гэмших хандлагатай байсныг харгалзан хялбаршуулсан журмаар хэргийг шийдвэрлэв. Хулгайлагдсан эд зүйлийг буцааж өгсөн тул төлбөр нэхэмжлэх зүйлгүй гэж үзлээ.