ХЭРГИЙН ТАНИЛЦУУЛГА: Өсвөр насны шүүгдэгч Д.Х болон шүүгдэгч Х.Б нарт хулгайлах, дээрэмдэх гэмт хэрэг үйлдсэн үндэслэлээр яллах дүгнэлт үйлдэн ирүүлсэн эрүүгийн хэргийг шүүх хянан хэлэлцэв. АНХАН ШАТ: Шүүгдэгч Д.Х-ыг хулгайлсан, дээрэмдсэн гэмт хэрэгт, шүүгдэгч Х.Б-ыг хулгайлсан гэмт хэрэгт тус тус гэм буруутайд тооцсон.
ҮНДЭСЛЭЛ: Шүүхээс нотлох баримтыг үндэслэн Д.Х-ыг бусдын эд хөрөнгийг хүч хэрэглэхгүйгээр, нууцаар, хууль бусаар авсан, хүн байнга амьдрах зориулалттай орон байранд нэвтэрч үйлдсэн, мөн тээврийн хэрэгсэл дээрэмдсэн гэмт хэрэгт, Х.Б-ыг бүлэглэн хулгайлсан гэмт хэрэгт тус тус гэм буруутайд тооцсон. Шүүгдэгч нарт оногдуулах ялыг хөнгөрүүлэх, хүндрүүлэх нөхцөл байдлыг харгалзан шүүгдэгч Х.Б-д 1 жил 2 сар, өсвөр насны шүүгдэгч Д.Х-д 1 жил 6 сар 15 хоногийн хорих ял оногдуулж, сургалт хүмүүжлийн тусгай байгууллагад эдлүүлэхээр шийдвэрлэсэн. Мөн Д.Х-с учруулсан хохиролд 2.404.000 төгрөгийг гаргуулж хохирогчдод олгох, шүүгдэгч нарын эдлэх ялаас цагдан хорих хугацааг хасахаар тогтоов.