ХЭРГИЙН ТАНИЛЦУУЛГА: Гэр бүлийн хүчирхийлэл үйлдэж, эхнэрээ зодож эрүүл мэндэд нь хөнгөн хохирол учруулсан үндэслэлээр Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар яллах дүгнэлт үйлдсэнийг шүүх хянан хэлэлцэв. Шүүгдэгч гэм буруугаа хүлээн зөвшөөрсөн. АНХАН ШАТ: Гэр бүлийн хүчирхийлэл үйлдэж, эхнэрийнхээ эрүүл мэндэд хөнгөн хохирол санаатай учруулсан гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар 600.000 төгрөгөөр торгох ял оногдуулсан.
ҮНДЭСЛЭЛ: Шүүгдэгчийн өөрийн мэдүүлэг, хохирогчийн мэдүүлэг, шинжээчийн дүгнэлт болон цуглуулсан бусад нотлох баримтуудаар гэмт хэрэг үйлдсэн нь тогтоогдсон. Хэргийг хялбаршуулсан журмаар хянан шийдвэрлэж, прокурорын саналыг үндэслэн торгох ял оногдуулсан.