ХЭРГИЙН ТАНИЛЦУУЛГА: Шүүгдэгчийг арван дөрвөөс дээш арван найман насанд хүрээгүй хүнийг хүчиндсэн гэмт хэрэг үйлдсэн гэм буруутайд тооцсон. АНХАН ШАТ: Эрүүгийн хуулийн тусгай ангийн 12.1 дүгээр зүйлийн 2.1-д зааснаар шүүгдэгчийг нэг жилийн хорих ялаар шийтгэж, нээлттэй хорих байгууллагад эдлүүлэхээр тогтсон.
ҮНДЭСЛЭЛ: Шүүгдэгчийг хохирогчийн хүсэл зоригийн эсрэг хүч хэрэглэж, арван дөрвөөс дээш арван найман насанд хүрээгүй хүнийг хүчиндсэн гэмт хэрэг үйлдсэн гэм буруутайд тооцсон. Эрүүгийн хуулийн ерөнхий ангийн 6.7 дугаар зүйлийн 1.3-д заасныг журамлан тусгай ангийн 12.1 дүгээр зүйлийн 2.1-д заасан ялыг ногдуулсан. Эрүүгийн хуулийн ерөнхий ангийн 5.6 дугаар зүйлийн 3, 4-д заасны дагуу ялыг нээлттэй хорих байгууллагад эдлүүлэхээр шийдвэрлэсэн. Хэрэгт хавсаргасан СД-ийг эд мөрийн баримтаас хасахгүй, хэргийг хадгалах хугацаа дуустал хавсаргах, таслан сэргийлэх арга хэмжээг өөрчилж, цагдан хорьж, ял эдлэх хугацааг тогтоосон.