ХЭРГИЙН ТАНИЛЦУУЛГА: Хоёр шүүгдэгчийг бүлэглэн, мотоцикл ашиглан хоёр хонь хулгайлсан гэмт хэрэгт холбогдуулан яллав. АНХАН ШАТ: Эрүүгийн хуулийн тусгай ангийн 17.12 дугаар зүйлийн 2 дахь хэсгийн 2.1, 2.2, 2.4-д зааснаар нэг шүүгдэгчийг 2 жил 2 сар, 2.2, 2.4-д зааснаар нөгөө шүүгдэгчийг 1 жил 1 сарын хорих ялаар шийтгэв.
ҮНДЭСЛЭЛ: Хууль бусаар хүч хэрэглэхгүйгээр, нууцаар, бусдын хоёр хонийг мотоцикл ашиглан хулгайлсан нь тогтоогдсон. Эрүүгийн хуулийн тусгай ангийн 17.12 дугаар зүйлийн 2 дахь хэсгийн 2.1, 2.2, 2.4-д заасан шинжүүд бүрдсэн. Хохирол нөхөн төлүүлэхээр нэг шүүгдэгчээс 1,080,000 төгрөгийг, нөгөө шүүгдэгчээс 629,800 төгрөгийг гаргуулж, гэмт хэрэгт ашигласан мотоциклийг худалдан борлуулж хохиролд шилжүүлэхээр шийдвэрлэв.