ХЭРГИЙН ТАНИЛЦУУЛГА: Шүүгдэгчийг жолоочийн араас мөргөсөн шалтгаанаар маргалдаж, хохирогчийг зодож, улмаар хамар ясны хугарал, хамрын зөөлөн эдийн гэмтэл, зүүн мөр, цээжний зулгаралт бүхий хөнгөн хохирол учруулсан гэмт хэрэгт холбогдуулан ялласан.
АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэм буруутайд тооцож, 500,000 төгрөгөөр торгох ял оногдуулж, уг ялыг 4 сарын хугацаанд хэсэгчлэн төлүүлэхээр шийдвэрлэсэн.
ҮНДЭСЛЭЛ: Шүүгдэгчийн гэм бурууг шүүх хуралдаанд өгсөн мэдүүлэг, хохирогчийн мэдүүлэг, гэрчийн мэдүүлэг, шүүх эмнэлгийн шинжилгээний дүгнэлт зэрэг нотлох баримтуудаар тогтоожээ. Гэм буруутайд тооцсон хэдий ч шүүгдэгчийг анх удаа гэмт хэрэг үйлдсэн, хохирогч гомдолгүй, хувийн байдал зэргийг харгалзан үзэж, ялыг хөнгөрүүлэн торгох ял оногдуулсан.