ХЭРГИЙН ТАНИЛЦУУЛГА: Хууль бусаар, нууцаар бусдын эд хөрөнгийг хулгайлсан хэрэгт холбогдсон шүүгдэгчийг хялбаршуулсан журмаар хянан шийдвэрлэсэн. Шүүгдэгч нь банкны картыг ашиглан 1,050,000 төгрөгийг хууль бусаар авсан гэм буруугаа хүлээн зөвшөөрсөн.
АНХАН ШАТ: Шүүгдэгч Т.М-ийг Эрүүгийн хуулийн тусгай ангийн 17.1 дүгээр зүйлийн 1-д заасан "Хулгайлах" гэмт хэрэг үйлдсэн гэм буруутайд тооцож, Эрүүгийн хуулийн ерөнхий ангийн 7.1 дүгээр зүйлийн 1, 3-т заасныг баримтлан хорих ял оногдуулахгүйгээр 1 жилийн хугацаагаар тэнсэж, оршин суух газар, ажил сургуулиа өөрчлөх зорчин явахдаа хяналт тавьж байгаа эрх бүхий байгууллагад урьдчилан мэдэгдэх үүргийг хүлээлгэх албадлагын арга хэмжээ хэрэглэсэн.
ҮНДЭСЛЭЛ: Шүүгдэгч хэргийн үйл баримт, гэм буруугаа хүлээн зөвшөөрсөн, учирсан хохирлыг бүрэн барагдуулсан, анх удаа хөнгөн гэмт хэрэг үйлдсэн, хүндрүүлэх нөхцөл байдал тогтоогдоогүй зэргийг харгалзан ял хөнгөрүүлж, тэнссэн ял оногдуулсан.