ХЭРГИЙН ТАНИЛЦУУЛГА: Гурван шүүгдэгч бүлэглэн тээврийн хэрэгсэл ашиглаж, хохирогчийн 28 толгой малыг хулгайлсан хэрэгт холбогджээ.
АНХАН ШАТ: Шүүгдэгч Ө.Б-г 6 толгой малыг хулгайлсан, бусад нь нотлогдоогүй хэмээн үзэж, Эрүүгийн хуулийн тусгай ангийн 17.12 дугаар зүйлийн 1-д зааснаар хорих ял оногдуулахгүйгээр 1 жилийн хугацаагаар тэнсгэж, албадлагын арга хэмжээ хэрэглэжээ. Шүүгдэгч Ш.Б, Б.Б нарыг 1 жилийн хугацаагаар хорих ялаар шийтгэж, өмнө нь тэнссэн ялыг хүчингүй болгон нэгтгэж, нийт 2 жилийн хорих ял оногдуулжээ.
ҮНДЭСЛЭЛ: Шүүгдэгч Ө.Б нь 6 толгой малыг хулгайлсан нь тогтоогдсон боловч 22 толгой малыг хулгайлсан нь хангалттай нотлогдоогүй байна. Шүүгдэгч Ш.Б, Б.Б нар нь 3 удаагийн үйлдлээр нийт 28 толгой малыг хулгайлсан нь тогтоогдож, хохирол барагдуулсан, гэм буруугаа хүлээн зөвшөөрсөн зэрэг нөхцөл байдлыг харгалзан ял шийтгэлийг оногдуулсан.