ХЭРГИЙН ТАНИЛЦУУЛГА: Шүүгдэгч нь бусдыг зодож, эрүүл мэндэд нь хөнгөн хохирол учруулсан хэргээр яллагдсан. АНХАН ШАТ: Хүний эрүүл мэндэд хөнгөн хохирол учруулсан гэмт хэрэгт гэм буруутайд тооцож, 600,000 төгрөгөөр торгох ял оногдуулсан.
ҮНДЭСЛЭЛ: Хохирогчийн мэдүүлэг, гэрчүүдийн мэдүүлэг, шүүхийн шинжилгээний дүгнэлт, шүүгдэгчийн өөрийн гэм буруугаа хүлээн зөвшөөрсөн мэдүүлэг зэрэг нотлох баримтуудаар гэм буруу нь тогтоогдсон. Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт хамаарна гэж дүгнэсэн. Гэм буруугаа хүлээн зөвшөрсөн, хохирогчтой эвлэрсэн, учруулсан хохирлыг барагдуулсан үндэслэлээр хэргийг хялбаршуулсан журмаар шийдвэрлэж, торгох ял оногдуулсан.