ХЭРГИЙН ТАНИЛЦУУЛГА: Шүүгдэгч нь цахим хэрэгсэл ашиглан бусдын цахим хаяг, мэдээллийг хууран авч, интернет банкаар нэвтрэн мөнгө залилсан хэрэг. АНХАН ШАТ: Шүүгдэгчийг Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан залилах гэмт хэрэг үйлдсэн гэм буруутайд тооцож, 450,000 төгрөгөөр торгох ял оногдуулж, урьд нь шүүхийн зөвшөөрөлгүй баривчлагдсан 2 хоногийг ялд оруулж, эцэст нь 420,000 төгрөгөөр торгох ял оногдуулжээ.
ҮНДЭСЛЭЛ: Шүүгдэгч нь Фэйсбүүк чат ашиглан хохирогчийн цахим хаяг, утасны дугаарыг хууран авч, интернет банк руу нэвтрэн 1,121,000 төгрөгийг залилсан нь нотлох баримтуудаар тогтоогдсон. Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан "цахим хэрэгсэл ашиглан эзэмшигч, өмчлөгчийн эд хөрөнгийг шилжүүлэн авсан" гэмт хэргийн шинжийг хангасан. Хохирогч хохиролоо барагдуулсан тул төлбөр төлөхгүй. Хялбаршуулсан журмаар хянан шийдвэрлэх үндэслэлтэй байв.