ХЭРГИЙН ТАНИЛЦУУЛГА: Шүүгдэгч замын хөдөлгөөний дүрмийг зөрчин зам тавьж өгөх үүргээ биелүүлээгүйгээс осол гаргаж, хохирогчдод эрүүл мэндэд нь хүндэвтэр болон хүнд хохирол учруулсан. АНХАН ШАТ: Шүүгдэгчийг Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.3-т зааснаар гэм буруутайд тооцож, жолоодох эрхийг нэг жилийн хугацаагаар хасаж, хорих ялыг нэг жилийн хугацаагаар тэнсгэж, тэнссэн хугацаанд жолоодохыг хориглосон.
ҮНДЭСЛЭЛ: Замын хөдөлгөөний дүрмийн 10.3-т заасныг зөрчсөн нь тогтоогдож, улмаар хүнд, хүндэвтэр, хөнгөн зэргийн хохирол учирсан. Шүүгдэгч гэм буруугаа хүлээн зөвшөөрч, учруулсан хохирлын ихэнхийг барагдуулсан. Урьд ял шийтгэлгүй, гэмшиж буй байдал зэргийг харгалзан ялыг тэнсгэсэн.